fbpx

Proxecto Fighting Barriers e concentración en defensa das leis LGTBI e Trans madrileñas

defensa das leis LGTBI e Trans madrileñas A Asociación pola Liberdade Afectiva e Sexual da Coruña (ALAS A Coruña) e a produtora SocialDocs presentarán un documental acerca da comunicación sobre o VIH/SIDA, o mércores, 15 de decembro, ás 18:00 no Centro Cívico dos Mallos. Tras este acto, a entidade convida a toda a cidadanía a sumarse ás 20:00 no hórreo do parque de Vioño a unha concentración pola defensa das leis LGTBI e Trans da Comunidade de Madrid.
Desde hai tres anos, ALAS A Coruña gracias ao apoio da Deputación de A Coruña está a desenvolver o proxecto Fighting Barriers que ten como obxectivo recuperar a memoria do activista coruñés polos dereitos das persoas con VIH/SIDA, Tomás Fábregas, así como erradicar as mensaxes estigmatizantes. O acto consistirá na proxección dun documental da produtora SocialDocs acerca das campañas publicitarias sobre esta pandemia. Trala mesma, levarase a cabo unha mesa redonda na que participarán o Comité AntiSIDA de A Coruña e o Dr. Álvaro Mena, internista do Hospital Universitario de A Coruña e membro da Sociedad Gallega Interdisciplinaria del SIDA.
O 16 de decembro a Asemblea de Madrid votará a admisión a trámite da proposición de lei impulsada por Vox, que ten como fin derrogar as leis que protexen á comunidade LGTBI neste territorio. De ter éxito trataríase do primeiro retroceso en dereitos LGTBI desde os comezos da democracia. Por iso, ALAS A Coruña quere sumarse ás concentracións convocadas o 15 de decembro en Madrid polas asociacións LGTBI madrileñas, Arcópoli e COGAM, cun acto en defensa destes textos lexislativos no hórreo do parque de Vioño ás 20:00.
Fighting Barriers 2021
Estas concentracións (Madrid e A Coruña) non serán actos illados, senón que as diferentes entidades que forman a Federación Estatal de Lesbianas, Gais, Trans, Bisexuais e máis (FELGTBI+), da que ALAS A Coruña forma parte, convocarán concentracións similares en diferentes puntos do territorio nacional. Compre lembrar e seguir reclamando a necesidade urxente de blindar os dereitos da comunidade LGTBI coa aprobación dunha lei estatal.

Os Dereitos LGTBI, son Dereitos Humanos! Nin un paso atrás!

¡Haz que llegue a más gente!
error: Este contenido está protegido. Este contido está protexido.