fbpx

Blog

Homenaxe a Samuel Luiz

Homenaxe a Samuel
Poppy Wake-up” por Nathalie, baixo licencia CC BY-ND 2.0


Co gallo do primeiro aniversario do asasinato de Samuel Luiz, a Asociación pola Liberdade Afectiva e Sexual da Coruña (ALAS A Coruña) organizará unha vixilia o sábado 2 de xullo ás 18:30, na Avenida de Bos Aires, ao carón da discoteca Playa Club.

O vindeiro domingo 3 de xullo cúmprese un ano do asasinato de Samuel Luiz, un suceso que conmocionou a toda a cidadanía e que mudou a percepción que a sociedade ten da violencia cara a comunidade LGTBI. Co fin de honrar a súa memoria, así como a doutras vítimas da LGTBIfobia, ALAS A Coruña gardará un minuto de silencio e fará unha ofrenda floral no lugar onde aconteceron os feitos.

Nesta data tan sinalada, a presidenta de ALAS A Coruña, Ana G. Fernández quere facer fincapé na “necesidade de respectar a dor e a intimidade da familia e persoas achegadas a Samuel” e pide “valentía ás administracións para que xeren alianzas co asociacionismo LGTBI e facer fronte a quen pon en dúbida os dereitos humanos, ademais de situar ás accións destinadas a acadar a igualdade real da comunidade LGTBI no lugar que merecen na axenda institucional”.

Por se tratar dun acto de lembranza, e para respectar o proceso xudicial aberto do que ALAS A Coruña é parte, non haberá lectura de ningún manifesto. Pregarase que todas as persoas que acudan garden o debido decoro e respecto que a memoria de Samuel Luiz merece.

Fai que chegue a máis xente!

Por se che interesa...

Bótanos un cable!

Para estar á última

Unha imaxe vale máis que mil palabras

error: Este contenido está protegido. Este contido está protexido.