fbpx

9 Compromisos pola comunidade LGTBI+ da Coruña

BNG, Marea Atlántica e Por Coruña comprométense con ALAS A Coruña a velar polo cumprimento de 9 compromisos que buscan mellorar a situación da comunidade LGTBI+ na Coruña ao longo da vindeira lexislatura.
Debate #municipaisLGTBI
Debate electoral #MunicipaisLGTBI. Propiedade de ALAS A Coruña. Todos os dereitos reservados.
ALAS A Coruña mantivo durante as pasadas semanas xuntanzas con todas as formacións políticas con representación no Pleno municipal que culminaron co debate, #MunicipaisLGTBI, celebrado o pasado venres, 5 de maio na Fundación Luis Seoane.
Durante estes encontros membros da xunta directiva da asociación trasladáronlle aos partidos as principais demandas da comunidade LGTBI+ coruñesa, froito dun traballo de análise interna que recolle os seguintes 9 compromisos pola comunidade LGTBI+ da Coruña:
  1. Abandonar o actual modelo mercantilista do Orgullo LGTBI+.
  2. Integrar e dar protagonismo ás entidades LGTBI+ durante as celebracións do Orgullo.
  3. Poñer en marcha programas de saúde mental con profesionais especializados en vítimas de delitos de odio.
  4. Ofertar recursos habitacionais de emerxencia para a poboación LGTBI+.
  5. Garantir espazos seguros para a comunidade LGTBI+ nos recursos habitacionais existentes na Coruña.
  6. Formar ao persoal municipal en materia de diversidade.
  7. Facilitar o acceso ás entidades LGTBI+ aos centros educativos da cidade para desenvolver obradoiros de diversidade coa comunidade educativa.
  8. Incluir cláusulas sociais nos contratos públicos do Concello da Coruña.
  9. Recuperar o orzamento do Observatorio Coruñés contra a LGTBIfobia, recortado nun terzo a comezos da presente lexislatura.
Estes compromisos foron asinados polo BNG, Marea Atlántica e Por Coruña. Porén, o PP e o PSOE declinaron adherirse aos mesmos aludindo ao descoñecemento do estado das contas municipais e a non presentación pública do programa electoral respectivamente. En palabras de Ana G. Fernández: “Agradecemos publicamente o compromiso do BNG, a Marea Atlántica e Por Coruña coas persoas LGTBI+ da cidade e agardamos que na vindeira lexislatura todas as forzas políticas, íncluidas PP e PSOE, fagan realidade estas demandas. O 28M xogámonos moito”.
¡Haz que llegue a más gente!
error: Este contenido está protegido. Este contido está protexido.