Hai escasas horas o xurado popular do caso Samuel Luiz ten emitido o seu veredicto tras días de deliberacións. No mesmo, queda probada a existencia de homofobia neste asasinato
A asociación LGTBI+ ALAS A Coruña, entidade que exerce a acusación popular no caso de Samuel Luiz, manifesta a súa satisfacción que, tras máis de tres anos desde que aconteceu este brutal asasinato, teña quedado probada en sede xudicial a motivación homófoba do mesmo. Deste xeito, esta entidade LGTBI+ da por cumprido o obxectivo que se marcou cando decidiu ser parte deste proceso xudicial, clave para a defensa dos dereitos da comunidade LGTBI+.
Ao longo de toda a vista oral, as argumentaciones realizadas por parte do letrado de ALAS A Coruña, Mario Pozzo-Citro, centráronse en probar como a Samuel se lle leu a “pluma”, feito que provocou que fose visto como unha vítima doada, así como a importancia do grito de “maricón de merda” que o acusado profiriu en diferentes momentos.
Unha vez emitido o veredicto por parte do xurado popular, a entidade valora positivamente o resultado deste proceso xudicial, pendente todavía de coñecer as penas para cada un dos responsables deste asasinato. ALAS A Coruña confía en que este caso sirva para visibilizar a importancia de denunciar e axude a restaurar a confianza no sistema xudicial das personas que teñen sufrido LGTBIfobia, unha confianza que, tal e como se recolle nos informes que elabora anualmente desde 2017 a través do seu servicio, o Observatorio Coruñés contra a LGTBIfobia, viuse moi mermada.
