- A Federación Estatal LGTBI+ e a súa entidade federada, ALAS A Coruña, valoran a sentenza do Tribunal Supremo no caso de Samuel Luiz como un fito no recoñecemento xurídico dos delitos de odio.
- Así mesmo, reclaman a aprobación urxente dun Pacto de Estado contra os discursos de odio ante o aumento da violencia contra o colectivo.
Madrid, 30 de decembro de 2025.– A Federación Estatal LGTBI+ e a súa entidade federada, ALAS A Coruña, valoran a sentenza do Tribunal Supremo sobre o asasinato de Samuel Luiz como unha resolución firme, coherente e de enorme transcendencia social e xurídica. O alto tribunal confirma a extrema gravidade dos feitos, a aleivosía do ataque e, de maneira especialmente relevante, a concorrencia da agravante de discriminación por motivos de orientación sexual, consolidando o recoñecemento do crime como un delito de odio.
Odio contra as persoas LGTBI+
Desde ALAS A Coruña lembran que “o proceso xudicial é imprescindible, pero non suficiente”, sinala Fernández. “A loita contra a violencia esixe tamén prevención, educación e un compromiso firme das institucións e da sociedade fronte aos discursos que nos deshumanizan e lexitiman a violencia”.
Deste xeito, estas entidades insisten en que avanzar nesta estratexia, xunto coa implementación efectiva doutras medidas orientadas a garantir a igualdade real, é o único camiño para honrar a memoria de Samuel Luiz e asegurar que feitos como os ocorridos non se repitan xamais.
