O activismo LGTBI está en constante evolución, a formación continuada das nosas socias é un dos piares básicos da nosa asociación. De maneira regular, realizamos formacións internas e participamos en seminarios, cursos, obradoiros, etc. de ámbito nacional e internacional. Os diferentes perfís das persoas que conforman a asociación, habilítannos para ofrecer formación en e sobre os seguintes temas. Se tes interese nas formacións que ofrecemos, contacta con nós!
Centros educativos
En coordinación co equipo docente e/ou as ANPAS ofrecemos formacións adaptadas ás necesidades do alumnado e do persoal do centro. De igual xeito, asesoramos aos profesionais do ensino en materia de diversidade afectiva, sexual e de xénero.
Empresas e administracións públicas
Asesoramos e formamos a empresarios e traballadores en materia de Responsabilidade Social Corporativa. Tamén temos asesorado a institucións na redacción de textos legais ou na implementación de políticas públicas.
Centros educativos
Empresas e administracións públicas
Asesoramos e formamos a empresarios e traballadores en materia de Responsabilidade Social Corporativa. Tamén temos asesorado a institucións na redacción de textos legais ou na implementación de políticas públicas.
Delitos de odio
Sensibilizamos ás forzas e corpos de seguridade e ao persoal da administración de xustiza sobre a importancia de tipificar correctamente estes delitos. Así, poden ofrecer unha atención de calidade ás vítimas, respectando a súa orientación e identidade de xénero.
Cultura LGTBI
Sempre recoñeceremos o importante papel do mundo da cultura na visibilización das diferentes realidades LGTBI. Por iso, e co apoio de profesionais do eido cultural, organizamos presentacións de libros, ciclos de cine, festivais de artes escénicas, obradoiros de música, etc.
Ademais de en galego e castelán, temos experiencia impartindo formacións en inglés e cabería a posibilidade de impartilas en alemán.