Por culpa de las feministas, la transexualidad se está convirtiendo en una moda porque el número de mujeres que quiere convertirse en hombres es muy elevado
A entidade ALAS A Coruña, como asociación coordinadora do Observatorio Coruñés contra a LGTBIfobia pon en coñecemento público un suposto caso de transfobia e machismo nunha clínica privada de psiquiatría e psicoloxía en Ourense.
Segundo relata a propia vítima C.R.S. durante o mes de febreiro, e logo de levar varios meses lidando coa ansiedade por motivos persoais, acode a pedir axuda profesional para xestionala a un centro de psiquiatría e psicoloxía da cidade de Ourense.
Ao inicio da primeira sesión co psiquiatra (co-director do centro ao que asiste) e a petición do mesmo, comeza a falarlle da súa familia e comenta que ten un irmán transexual. Segundo C.R.S. este comentario provoca un cambio de actitude no psiquiatra, quen esquece os motivos que propiciaron a consulta e céntrase unicamente na transexualidade do irmán, comezando a referirse a este en feminino e facendo declaracións como:
Hace unos años solo había hombres que querían convertirse en mujeres y era porque habían sufrido abusos y traumas
La transexualidad es ir en contra de la biología
A día de hoy, por culpa de las feministas, se le está dando visibilidad a la transexualidad y se está convirtiendo en una moda porque el número de mujeres que quiere convertirse en hombres es muy elevado
A partir de ese momento C.R.S. relata que o psiquiatra xa non volve a falarlle da ansiedade, motivo polo cal acudía á consulta, así que decide por conta propia abandonar o centro de psiquiatría.
Estes feitos, foron postos en coñecemento por parte da propia vítima ante o Ilustre Colexio Oficial de Médicos de Ourense e ante a Valeduría do Pobo de Galicia co fin de iniciar algunha acción que remate co machismo e a transfobia no eido da saúde mental.
