Por Paula Álvarez, estudiante do CS de Integración Social e alumna en prácticas
Neste día da visibilidade lésbica, desde ALAS A Coruña queremos recomendar unha serie de películas e falar un pouco delas.
O cine sempre ten sido un recurso moi útil ao que considero que hai que recorrer máis a miúdo, xa que mostra realidades alleas e axúdanos a empatizar con elas, ao tempo que nos mostra vivencias polas que temos pasado ou estamos a pasar. O cine educa, sensibiliza e é unha maneira de aprender a ser máis respectuosas nesta sociedade na que vivimos.
Non é mentira ningunha que as mulleres sáficas sofren unha dobre discriminación, a primeira por ser mulleres e a segunda por ser homosexuais. Este listado de películas quere visibilizar aquelas historias, problemáticas e sentires.
6 películas para este 26 de abril
1 Retrato de una mujer en llamas (2019)
Apenas teño palabras para describir a tremenda sensibilidade e delicadeza que este filme
me transmitiu. Marianne e Helöise descobren o amor da unha pola outra, mostra a sororidade no S. VXIII e, unha vez máis, reflicte a narrativa de artista e modelo, unicamente que esta historia fai que se che encrespe a pel e se che quede gravada na memoria.
2 Carol (2015)
Carol é unha muller a punto de se separar do seu marido, mentres que Therese é unha moza que aínda está a buscar o seu camiño. Entre elas xurde unha fermosa amizade, que evoluciona ata unha sedución constante e que remata en aventura. O seu romance baséase no autodescubrimento, a paixón e a coraxe, nunha época onde saír do armario podía te costar, como pouco, o cárcere.
3 But I´m a cheerleader (1999)
Un “sinxelo programa” de cinco pasos onde o obxectivo e tornarse novamente normal? Esta película mófase dos estereotipos de xénero e cara a comunidade LGTBI+ e o consigue, pois é ridiculamente divertida, pero verdadeiramente real en certos aspectos.
4 Carmen y Lola (2018)
Esta película fala sobre sonos e esperanzas, sobre tradicións e machismo, sobre quererse ás agochadas e arriscarse. Se ben é certo que se basea en tópicos moi recoñecidos cara a comunidade xitana, desde aquí quero recalcar a figura de Paqui, un personaxe que colabora e axuda no desenvolvemento de ambas protagonista e é importantísimo o apoio que presta.
5 La doncella (2016)
A historia sitúase en Corea durante os anos 30, momento da colonización xaponesa, e reflicte a obxetificación ao longo dos tempos das mulleres. Baseada na adaptación dunha novela de Sarah Waters, na trama de este thriller erótico xorden caricias entre as paredes e telas.
6 Pariah (2011)
Profundamente conmovedora, crúa e real, esta película
conta a historia dunha moza afroamericana desde unha perspectiva represiva, dura e intransixente. A súa familia desestruturada e a súa mellor amiga cumpren cada unha un papel distinto no seu recorrido cara a liberdade.
O obxectivo fundamental desta listaxe é que as gocedes e as compartades se os gusta, pero tamén deberían de facervos reflexionar por que motivo son películas de culto dentro da comunidade LGTBI+
, así como sobre a importancia de realizar máis contido e divulgación sobre o colectivo lésbico
